လတ်တလောတွင်မူ နိုင်ငံစီးပွားရေးတည်ငြိမ်စေရန် ရှုပ်ထွေးသည့် နိုင်ငံခြားငွေ လဲလှယ်မှုစနစ်ကို ဦးစားပေးပြုပြင်ပြောင်းလဲရန် လိုအပ်နေကြောင်း၊ စီမံခန့်ခွဲမှုအပိုင်းတွင် လည်း မက်ခရိုစီးပွားရေး တည်ငြိမ် မှုကို ထိန်းထားနိုင်ရန်အတွက် ပြုပြင် ပြောင်းလဲရမည်ဖြစ်ကြောင်း IMF မှ ထုတ်ပြန်သော စာတမ်းတွင် ဖော်ပြ ထားသည်။
“လတ်တလော အခြေအနေမှာ အီးယူကတော့လာမယ့် ဧပြီလမှာ ကျင်းပမယ့် ရွေးကောက်ပွဲ အနေအထား ကို ကြည့်ပြီး စီးပွားရေးပိတ်ဆို့ အရေးယူမှုတွေကို ရုပ်သိမ်းပေးဖို့ ပြောနေကြတာရှိပါတယ်။ အခုဆို နော်ဝေ က ၀င်လာပြီဆိုတော့ တခြားအီးယူ နိုင်ငံတွေလည်း ၀င်လာဖို့ကြိုးစားတာရှိမှာပဲ။ ပြည်တွင်းမှာ ငွေကြေး လဲလှယ်နှုန်း အမျိုးမျိုးဖြစ်နေတဲ့ ကိစ္စတွေကိုလည်း မကြာခင် ပြင်ဆင်သွားမယ်လို့ သိရတယ်ဆိုတော့ လက်ရှိ အခြေအနေအတိုင်း ဆက်သွားရင် မြန်မာ့စီးပွားရေး တိုးတက်လာနိုင်ပါတယ်။ ပြီးတော့ IMF ကိုယ်တိုင် မြန်မာ့စီးပွားရေးကို စိတ်ဝင်စားနေတဲ့ အပိုင်းလည်းရှိတယ်”ဟု စီးပွားရေးပညာရှင်တစ်ဦးက ပြောပြခဲ့သည်။
၂၀၁၁ -၂၀၁၂ ဘဏ္ဍာရေးနှစ် တွင်မူ ကာကွယ်ရေး အသုံးစရိတ် GDP ၏ ၂၅ ရာခိုင်နှုန်းအထိ သုံးထားပြီး ပညာရေးတွင် ၄ ရာခိုင်နှုန်းနှင့် ကျန်းမာရေးတွင် ၁ ဒသမ ၄ ရာခိုင်နှုန်းသာ သုံးစွဲခဲ့ကြောင်း သိရှိရသည်။ ထို့အတူ တစ်ဒေါ်လာပေါက်ဈေး ခြောက်ကျပ်အစား ကျပ် ၈၀၀ နှင့် ပြင်ဆင်သတ်မှတ်သည့် ကိစ္စနှင့် ပတ်သက်၍လည်း အဆင်ပြေသွားမည် ဖြစ်ကြောင်း ကမ္ဘောဇဘဏ်ဒုတိယ ဥက္ကဋ္ဌဦးသန်းလွင်က ပြောပြခဲ့သည်။
“အရင်တုန်းက ခြောက်ကျပ်နဲ့လဲနေရာကနေ တရားဝင်လဲလှယ်နှုန်းကိုကျပ် ၈၀၀ နဲ့ လဲလှယ်မယ်ဆိုတော့ ဘက်ဂျက်အပေါ်မှာတော့ သက်ရောက်မှုရှိလိမ့်မယ်။ ဗဟိုဘဏ်ကလည်းဝင်ပြီး ထိန်းကျောင်းဖို့ လိုလိမ့်မယ်။ IMF အပြင် တခြား ပညာရှင်တွေရဲ့အမြင်ကိုလည်း ယူသွားဖို့ရှိပါတယ်။ အခုလည်း ဈေးကွက်ထဲမှာ ကျပ် ၈၀၀ နဲ့ပဲလည်ပတ်နေတာ ဆိုတော့လာမယ့် ဘဏ္ဍာရေးနှစ် အစလောက်မှာတော့ အဆင် ပြေသွားလိမ့်မယ်လို့ ယူဆပါတယ်”ဟု ဦးသန်းလွင်က ပြောပြခဲ့သည်။
0 comments:
Post a Comment
မှတ်ချက်များကို စီစစ်ပြီးမှ ဖော်ပြပေးမည် ဖြစ်ပါသဖြင့် ဤစာမျက်နှာပေါ်မှာ
ချက်ချင်း မြင်ရမည်မဟုတ်ပါ။ မကြာခင် နောက်တခါ ပြန်လာပြီး မိမိ၏
မှတ်ချက်ကို ပြန်ကြည့်ပါရန် မေတ္တာရပ်ခံပါသည်။